Молитва,

чтомая пред чудотворной Албазинской иконой Божией Матери, именуемой "Слово плоть бысть"

 Молитва, напечатана в сборнике «Молитвы, чтомые на молебнах», изданном в 1903 году

 «Богородице Дево, Пренепорочная Мати Христа Бога нашего, Заступница рода христианского! Пред чудотворною иконою Твоею предстояще, отцы наша молиша Тя, да явиши покров Твой и заступление стране Приамурстей. Тем же и мы ныне молим Тя: град наш и страну сию от нахождения иноплеменных соблюди и от междоусобныя брани сохрани. Даруй мирови мир, земли плодов изобилие, благоверному же Императору нашему Николаю Александровичу и наследию его здравия и на враги одоление; сохрани во святыне пастырей наших, во святых храмах труждающихся; осени вседержавным покровом твоим строителей и благотворителей их. Утверди в правоверии и единомыслии братий наших: заблудших же и отступльших от Православныя веры вразуми и соедини святей Церкви Сына Твоего. Буди всем притекающим к чудотворной иконе Твоей покров, утешение и пристанище от всяких зол, бед и обстояний: Ты бо еси больных исцеление, скорбящих утешение, заблудших исправление и вразумление. Приими моления наша и вознеси я ко Престолу Всевышняго, яко да Твоим предстательством соблюдаеми и покровом Твоим осеняеми, прославим Отца и Сына и Святого Духа , ныне и присно и во веки веков. Аминь».